Archive for 2015
Ikaw Ang Alabaster Jar Ko
Minsan inisip mong isuko na yung pinakaiingatan mong lovelife sa paanan ng mismong Nag-akda ng Pag-ibig. Para itong laman ng Alabaster Jar. Ang pinakamabango, pinamainam, pinaka-iingat ingatan, pinaka-pinagipunan, pinakamalapit sa puso mong handog. Iyon nga lang ang mayroon ka. Nagiisa. Sasabihin ng marami sa paligid mo, nasa iyo na nga, pinakawalan mo pa. Iyon lang naman ang naglalaman ng iyong puso, seguridad at reputasyon. Pero bakit mo na ba iyon ibubuhos sa paanan ng iyong Panginoon?
Noong panahon ni Jesus, ang Alabaster Jar ay ibinibili kapag ang isang babae ay nakarating na sa edad kung kailan pwede na siyang mag-asawa. Ang pamilya niya ay pupunuan ito ng ointment na katumbas ng yaman ng pamilya. Ito'y bahagi ng kaniyang dowry. Kapag ang lalaki'y pakakasalan siya, ang tugon niya'y babasagin ito sa paanan ng lalaki. Pagpapahayag ng honor o galang sa lalaki.
Nang binasag ni Ate Mary ang Alabaster Jar sa paanan ni Jesus, para na din niyang pinatay ang kaniyang pagkakataon para mag-asawa. Hindi lang iyon. Binigay niya ang kaniyang reputation. Binigay niya ang kaniyang buong puso.
Sa panahon natin ngayon, parang sakit ang maging single. Lalo naman yung tumandang dalaga o binata. Para bang pinapahayag nito na walang nagkagusto sa iyo o parang sinasabi na hindi ka masaya. Parang nakakasira ng reputation. Iniisip din ng karamihan na pag-single ka, kailangan mong ma-warn dahil wala kang security na may kasama kang tatanda. Para bang walang nagmamahal sa iyo. Nakakadungis ng Reputation. Wala kang seguridad. At walang source ng Pag-ibig.
Pero bakit nga ba binuhos ni Ate Mary ang laman ng kaniyang Alabaster Jar sa paanan ni Jesus? Dahil para sa kaniya, si Jesus ang kaniyang Reputation, Seguridad at Pag-ibig. Para sa kaniya, sobrang worth-it ni Jesus at alam niyang wala na siyang iba pang masmainam na maiaalay kundi ito. Hindi man siya naintindihan ng mga tao no'n at tila kasayangan sa mata ng marami, ito ay lubos na tinanggap ni Jesus.
Kung mapagdidisyunan mong nang sabihing "Ikaw ang Alabaster Jar ko" at basagin na sa paanan ni Jesus dahil siya na ang nagiging mas bida na siya sa buhay o kaya'y hindi pa tama ang panahon, sige lang. Hindi ito para itorture ang sarili o maging single forever lalo na kung hindi naman iyan ang kalooban sa iyo ng Panginoon. Pero ito'y para malaman mo na si Jesus ang pinagmumulan ng iyong buhay at pag-asa. Masakit ito pero hindi naman sayang. Kahit alam mo kung gaano kamahal, kaimportante at kalapit sa puso mo. Kahit na hindi ka maintindihan ng marami. In the end, kahit na iyan pa ang pinakamabago, pinakaiingatan, pinakavaluable mong source ng reputasyon, seguridad at pagibig, malalaman mong hindi pa rin iyan papantay sa halaga ni Jesus.
Tamang Panahon
Tamang Panahon - essential daw ‘to sa pagpasok sa relasyon lalo na’t kung ang gusto nating kahantungan nito ay kasalan. Sino nga naman ang may gustong pumasok sa relasyon para lang masaktan? Kaya uber inggit ang mga bagets sa mga Young Pro na nasa right time na at pwede nang magpatunay na mayroong forever kasama ang kanilang lablab.
Noong nag-18 ako, akala ko okay na para sa isang babae ang pumasok sa relasyon. Noong nag-college ako, akala ko, okay na okay na para isang fresh grad ang pumasok sa relasyon. Well, siguro kani-kaniya nga iyan ng paniniwala. Kahit magpunta ako sa iba’t ibang probinsya sa bansa, meron talagang mga pagkatapos magHighschool ay nag-aasawa na. Kahit noong panahon ng mga lolo’t lola natin, maaga rin silang mga nagsisipag-asawa. Ngayon, kung hindi kinasal dahil nabuntis ay sobrang late naman kung nag-aasawa. Anong meron sa kanila na wala sa atin? Kailan ba dumadating ang tamang panahon?
Ang pagdating ng tamang panahon ay hindi dinidikta ng edad. Ang pagdating ng tamang panahon ay ang pagdating ng tamang ikaw. Maaring tumatakbo ang oras at nasa right age ka na pero hindi ka pa rin handa. #angsaklap. Minsan ma-brobroken hearted ka dahil hindi naging kayo or nagbreak kayo. Papayag ka ba na hindi ka na lang handa palagi?
Mayroon akong 3 bagay na napansin na pwedeng paghandaan para hindi naman sayang ang oras nang nakanganga ka lang:
1. Sense of Responsibility.
Ito yung factor na meron sa mga taga-probinsya o sa ating mga lolo’t lola kaya’t maaga silang nakakapagumpisa ng forever. Alam nila kung paanong tumayo sa sarili nilang mga paa at kaya nilang mabuhay. Dito sa ciudad, mas marami sa atin ang nakaharap sa facebook, tambay sa mall, nakahilata at tila hindi mabubuhay kung mag-iisa lamang at wala si Nanay.
Kailangan mong matuto na maging responsable hindi lamang sa iyong sarili kundi sa taong mamahalin mo. Magcocommit ka sa kaniya na panganalagaan mo siya, spiritual, physical, emotional, etc. tapos ikaw mismo, hindi mo kayang maging responsable sa sarili mo? Dapat reliable ka rin sa bawat salitang bibitawan mo at marunong ka ring umako ng mga pagkakamaling nagawa. Sabi nga ni Uncle Ben ni Spiderman, “With great power comes great responsibility”. Ang pagdating ng tamang panahon ay parang kalayaan at kapangyarihan na may kaakibat na responsibilidad. Iyan din ang napansin ko sa mga kaibigan na nag-asawa na at nagkaanak, maaga man o hindi, naging responsable sila dahil iyon ang tangi nilang choice.
2. Self Mastery
Bago mo naising maging intimate sa isang tao, kilalanin mo muna ang iyong sarili. Wala nang masiinam pa kundi ang makuha mo ang iyong identity sa Lumikha sa iyo. Siya ang nakakaalam kung sino kang talaga, kung paano ka aayusin at kung ano ang iyong purpose sa mundo. Paano ka niya kikilalanin kung ikaw mismo ay hindi mo alam kung sino ka? Paano ka magjojourney kasama ang isang tao kung hindi mo alam kung saan ang direksyon mo?
At kung kilala mo na ang sarili mo at alam mo na ang direksyon mo, naididisplina mo na ba ang sarili mong tumanggi sa tawag ng kasalanan o paggragratify ng iyong mga cravings na hindi pa dapat? Hangga’t hindi mo namamaster sa sarili ang paghahanap mo kay Lord, pagdumating na yung someone na hinihintay mo, ay baka mayari ka’t hindi ka lalong makapagfocus.
3. Loving Unconditionally
Kung ang sarili mong mga magulang, kapatid, kaibigan o kahit sarili ay hindi mo magawang matanggap o mahalin kung sino sila o patawarin sila sa mga nagawang mali, sa tingin ko, hindi ka pa talagang nagmamahal. Madaling magpaka-cheesy at bumanat ng “Aanhin ko pa ang google eh noong nakita na kita, the search is over”. Madaling ipagkamali ang emosyon sa tunay pag-ibig. Madaling sabihin na “tanggap kita kahit sino ka pa”. Pero kapag real thing na, baka umatras ka. Baka kapag dumating na sa punto na hindi mo na kontrolado ang sitwasyon, mawala din iyan. Baka kapag hindi na siya kaakit akit ay ayaw mo na. Baka kapag hindi niya na naaabot ang expectations mo ay ayaw mo na. Baka kapag sinaktan ka na, ayaw mo na. Baka kapag dumadaan ka na sa sakripisyo at responsibilidad ay bumitaw ka nalang. Kailangan mong malaman at maexperience ang tunay na pagmamahal sa iyo ni Lord. Diyan ka lang makakahugot ng pagmamahal at pagpapatawad na nagooverflow para mahalin ang iba kahit masakit at kahit parang hindi mo kaya.
Minsan inip na inip tayong hintayin ang tamang panahon. Minsan, akala nating parusa ang ginagawa ng Diyos sa atin. "Binigyan Mo ako ng desire para mahalin at magmahal. Nakita ko na yung gusto ko. Bakit gano’n. Para ano? Para masaktan lang ako?” Ang totoo niyan, kaya Niya pinaglaanan ng tamang panahon ang mga desire na iyon, ay hindi para itorture tayo. Kundi para i-cherish at pahalagahan natin ito ng lubusan, maging responsable tayo sa regalong ilalaan niya pagdating ng tamang panahon. Habang “mali” pa ang panahon, matutong mag-enjoy sa buhay. Maghanda. Lasapin ang fresh air. Magtravel around. Matuto magdecide. Mahalin ang sarili. Mahalin ang kapwa. Hanapin ang sarili kay Lord. Hanapin si Lord. Mahalin si Lord. At maligo ng pagmamahal kay Lord.
Tag :
purity,
relationships
3 Myths of Being An NGSB/NBSB
Nakakaproud maging NBSB (or NGSB for the guys). Feeling mo, nalusutan mo lahat ng temptations na dumaan sa puso mo. You're so glad na wala kang pinatulan sa mga iyon. May mga "Buti na lang" moments and you're thanking God dahil kapag kinasal ka na, pwedeng pwede mong sabihin ang mga linyang "Ikaw lang ang minahal ko sa buong buhay ko" o di kaya'y "Ikaw ang reward ng obedience ko kay Lord". How sweet!
Pero being one, aaminin ko na may hirap factor din siya. At may mga myths:
#1 Having no relationships since birth does equate emotional purity.
Hindi porkit wala kaming pinasukang relasyon, ay ubber linis na ng puso namin. Wala lang talagang naging karelasyon. Natutukso din kami. Nagkakamali. Nagdidisclose ng laman ng puso namin sa maling tao. Nagchachat sa disoras ng gabi. May ka-term of endearment.
At para sa mga kapwa ko ganito, we should not think na masmalinis tayo sa mga taong nagkarelasyon na at nagkamali. Wala tayong pinagkaiba sa kanila. Kailangan pa din natin si Lord para sa isang pusong dalisay. Minsan kasi tumataas ang tingin natin sa sarili natin. Minsan akala din natin na.. .
#2 We're doing this for our Future Spouses
Akala natin ginagawa natin ito para sa future asawa. No. We're doing this as an act of obedience sa Lord at the same time para sa sarili natin. Parang virginity lang. Para pagdating mo sa marriage bed, wala kang ibang alaala ng nakasama mo. Wala kang icocompare dahil fresh ang memory mo.
You dont do your Spiritual Disciplines hoping one day ay makapangasawa ka ng isang superman of God. You do it dahil mahal mo si Lord. Pag ginagawa mo na ang mga bagay para doon sa tao, one day guguho na lang siya na naging mundo mo at madidisappoint ka lang.
Minsan dahil sa maling motibasyon na ito, tumataas ang expectation natin sa future special someone. "Lord dapat ganito din siya kasi ganito ako". Walang masama kung "clean slate" kayo pareho. Kaya lang, dumadating sa time na ubber taas na at near to perfection na ang hinihingi. Mamahalin mo lang ba ang tao dahil malinis siya kung minahal tayo ni Lord despite sa pagiging unlovely natin?
#3 I Have No Capacity To Love
Kapag nasa iyo si Jesus, may capacity ka talagang tumanggap at magmahal ng tao despite sa kung anong nangyari sa kanila.
You have the capacity to love, to forgive and to respect no matter sino pa iyan. No need na pumasok sa relasyon. Praktis na sa mga magulang, sa mga kapatid at sa mga pasaway mong mga disciples.
Kaya mo eh. Kaya mo kasi nasa iyo si Jesus. Kaya mong mag go through them habang binabago sila ni Lord at binabago ka din Niya.
Im not saying na magcompromise ka sa non negotiables mo ah. We are not expected to be perfect. We are expected to be real. :)
Bakit May Paasa?
Bakit nga ba may mga taong paasa? Anong trip nila? Bakit sila ganoon? Bakit ang galing nilang nilang magsaranggola - yung pagkatapos nilang mag-enjoy kasama ka, ay iiwan ka sa ere?
Hatiin natin sila sa 2 categories.
Yung sinasadya at hindi sinasadya.
A. Sinasadya.
1. Simulan natin sa masakit - dahil OPTION ka lang. Sad to say, meron siyang ibang choice. Kung ano man iyan, kaya ka niya iniwan ay dahil may nakita siyang, para sa kaniya, ay masmahalaga o masbetter (ouch).
Kahit hindi sa context ng relasyon. Kadalasang dahilan natin kaya tayo nalelate sa kitaan ay dahil may inaasikaso tayong masmahalaga, may ibang priority. "May dinner pa kami ng family", "May pinapanood pa kasi ako". Kung ano man iyan - nangangahulugan lang na mayroong masmahalaga.
2. He doesn't respect you. Masmasakit pa to sa naging option ka lang.
Wala e. Gusto lang talaga niyang maglaro. Wala siyang magawa sa buhay niya. Bored siya teh. Sasabihin niya sa iyo ang sweetest lies na maari mong marinig. And he doesn't care kung maniwala ka or what. Your call.
Isa rin tong dahilan ng mga late. Kasi hindi nila nirerespeto ang oras mo. Walang paki kung naiiinip ka na kahihintay. Papaasahin ka lang na dadating sila sa tamang oras.
Anong dapat ginagawa sa ganitong tao?
Pinapatawad at Pinakakawalan.
Mahirap kasama sa buhay ang ganitong tao kaya ilet go mo na. Hindi mo alam kung kelan totoo at hindi ang sinasabi niya. So para hindi masayang ang tiwala mo, wag din masyadong magrerely sa ganitong tao.
B. Hindi sinasadya.
1. Wala sa dugo nila ang pagiging paasa. At usually ay may maganda silang dahilan kaya naiwan ka. Yun lang, hindi na siya nakapagexplain o nakapagpaalam. Baka kasi wala namang dapat iexplain. Deep inside, winiwish niya na maintindihan mo ang pagiwan niya sayo sa ere. Baka para din sa sarili mong kapakanan.
2. Ikaw rin e.
Hindi niya sinasadya na umasa ka dahil hindi iyon ang intensyon niya. Naging paasa lang siya dahil umasa ka.
Para sa mga paasa,
Kuya/Ate, Kung projected mo na na walang mangyayari sa relasyon o sa kung ano mang bagay. Kung hindi mo kayang tayuan o gawin, wag mo nang subukan. Sa umpisa pa lang, lubayan mo na o magsabi ka. Kung sadyang wala kang paki sa mga tao, isipin mo na lang kung iyan ng gawin sa iyo. Kung ang magnanakaw ay galit sa kapwa magnanakaw, gayun din ang mga paasa. Mahirap mabuhay sa mundo na wala kang kaibigang reliable at may integridad. Masakit din yung isang araw, malaman mong wala nang nagtitiwala sa iyo dahil kapapaasa mo sa kanila. Kaya huwag paasa. :)
Crush Na Nga Lang, Na-BroBroken Hearted Pa?
Hindi kayo pero nagmomove on ka. Ang lapit lapit niya lang pero ang layo layo naman. Dati, masaya ka na pag andyan siya. Nakakausap. Nakabonding. Nasusulyapan. Kaya lang minsan, hindi talaga constant lang ang mga nangyayari sa buhay ng tao. Nagkakatsunami, nagroroad construction, forest fires, nagkakalason ang milk tea, at dahan dahan kang napapalapit sa kaniya. Maaring kalikasan ang may gawa. Pero madalas ring ikaw.
May 4 na common stories na nangyayari kapag nagkaka-crush ang mga tao ngayon.
1. Umasumera:
Nung nakita mo na tinignan ka niya, feeling mo, crush ka na din niya. Kahit saan siya umupo-sa tabi, sa tapat o sa likod mo, feeling mo, may meaning. Nagka-group kayo sa research work, feeling mo, sign na from the Lord. Isang araw sa library, sabi niya, “Kain na tayo", kala mo "I love you" (True Story sa Barkada namin). O kaya pag nagsheshare siya sayo ng mga keme niya sa buhay dahil comfortable lang siya sayo, iniisip mo, "Bat kaya siya nagsheshare? Suitable partner ba tingin niya saken?"
Nung nakita mo na tinignan ka niya, feeling mo, crush ka na din niya. Kahit saan siya umupo-sa tabi, sa tapat o sa likod mo, feeling mo, may meaning. Nagka-group kayo sa research work, feeling mo, sign na from the Lord. Isang araw sa library, sabi niya, “Kain na tayo", kala mo "I love you" (True Story sa Barkada namin). O kaya pag nagsheshare siya sayo ng mga keme niya sa buhay dahil comfortable lang siya sayo, iniisip mo, "Bat kaya siya nagsheshare? Suitable partner ba tingin niya saken?"
Pero minsan sagap na sagap na talaga ng mga wind vanes mo ang mga palipad hangin niya. Subalit bakit nga ba isang araw, bigla kang iniwan sa ere. Hindi man lang nagpaalam. Bigla na lang nanlamig. O kaya magkwekwento na lang na may bago siya. Awwww. Bat ganon?
2. Bestfriendzone
Bulok na to pero uso pa din. Crush mo tas ibebestfriend mo. Ang totoo niyan, gusto maging ka-close. Kasi kapag close na kayo, may dahilan ka para mag show ng care. At sana magka-care din siya sayo. Hopeful ka na baka dumating sa point na mapansin ka niya. O kaya kahit papaano ay mahalin ka niya o maging importante ka sa kaniya.. kahit hanggang kaibigan lang.
Bulok na to pero uso pa din. Crush mo tas ibebestfriend mo. Ang totoo niyan, gusto maging ka-close. Kasi kapag close na kayo, may dahilan ka para mag show ng care. At sana magka-care din siya sayo. Hopeful ka na baka dumating sa point na mapansin ka niya. O kaya kahit papaano ay mahalin ka niya o maging importante ka sa kaniya.. kahit hanggang kaibigan lang.
Minsan kahit hindi naman bestfriend e. Basta maging close lang. Minsan astang superhero ka. Laging andiyan kapag kailangan. Gagawin lahat. Ililibre pa. Pag nagtext siya, mag-uunli ka. Pagnag-chat siya sa madaling araw, gigising ka. Hindi talaga matanggihan.
3. Meron bang makapag-sasabi?
May time na gustong gusto mo nang ilabas lahat ng nararamdaman mo. (Kung babae ka) Kasi baka torpe lang talaga siya. O dahil baka iniisip mong ikaw lang din ang hinihintay niya. O minsan wala lang talagang purpose. Basta makapag-sabi lang. Wala. Walang plano.
May time na gustong gusto mo nang ilabas lahat ng nararamdaman mo. (Kung babae ka) Kasi baka torpe lang talaga siya. O dahil baka iniisip mong ikaw lang din ang hinihintay niya. O minsan wala lang talagang purpose. Basta makapag-sabi lang. Wala. Walang plano.
Pero minsan, kahit hindi mo sabihin. Invest lang. Bigay lang ng motive. Noong college ako, mayroon akong magagaling na mga kaibigan na pinagkalat yung crush ko. Gumawa ng post doon sa bulletin board ng college/department namin. I-announce kung sino crush ko. Nagkaroon ng kulay ang lovelife ko weeks after. Pero alam kong hindi authentic dahil grinab lang naman ni crush yung opportunity na may nagkacrush sa kaniya. Ang ending? Wala. Nganga. Nagkasakitan lang kami.
Ano bang nangyayari sa kanilang lahat? Si #1 nag-assume na mayroong something yung crush niya sa kaniya. Si #2, isiniksik niya ang sarili niya sa mundo ng crush niya para mapansin siya. Si #3, Umamin at naginvest kasi umasa na mayroong mangyayari. Lahat sila ay may dalawang Greatest Common Factor: Umasa sila at Hindi nila naguard yung (re)actions nila.
Ano yung #4 scenario?
Naattract ka pero walang halong chenes. Yung pagkaconfirm sa hypothalamus mo na.. "Oo, crush ko siya".. ay icleaclear out mo yung mga level ng hopes at boundaries mo.
Pwede ka naman kasing maattract. Walang masama don kasi tao ka.
Naattract ka pero walang halong chenes. Yung pagkaconfirm sa hypothalamus mo na.. "Oo, crush ko siya".. ay icleaclear out mo yung mga level ng hopes at boundaries mo.
Pwede ka naman kasing maattract. Walang masama don kasi tao ka.
Pano? Maglevel down ng expectations. Maniniwala ka lang na may something na siya sayo kapag sabi niya at ginawa niya. Tandem iyan: salita at gawa. I-tone down mo din yung hopes mo for future na kasama siya. Kapag lumilipad yung imagination mo na magiging kayo at nag-whawhat if's ka na, ibig sabihin, naguumpisa ka nang umasa.
Kung alam mong hindi ka pa ready na sumalakay, magset ka ng perimeter mo kung hanggang saan ka lang gagalaw. Wag yung bigay ka ng bigay ng kung anu ano, walang tulugang chat at 24/7 Unlimited Sun-to-Sun text and call pa kayo. Investment iyan at malakas maka-feed ng emotions. Mahirap mauna sa tamang panahon. At ang tamang tao sa maling panahon ay maling tao.
So yun. Chillax lang. Pwedeng ma-attract pero i-guard and puso, i-purify ang mga motives at salain ang kaisipan.
Where's My Water?
May 3 major worry ang mga singles sa lovelife. Una, baka walang dumating. Pangalawa, baka mali sa pagpili. Pangatlo, hindi pa rin ready.
Bakit nga ba? Siguro dahil natuto ka na, mas alam mo na kung anong gusto mo or may idea ka kung anong paghahandaan mo.
Pero ewan ko. Bakit nga ba kapag maattract ka at tumitibok ang puso mo, tila kinakain ng buong hyphotalamus (part ng brain na naguudyok sayo na mainlab) ang buong utak mo at hindi ka din makapag-isip ng matino. Minsan, iwiwish mo na lang talaga na sana handa na kayo.. na pwede mo na lang isurrender yung puso mo sa kaniya nang walang pangamba. “Lord, kung hindi mo po siya ibibigay sa akin, pwedeng ako bang ako na lang ang ibigay mo sa kaniya?"
Nakakapagod. Pero naiinip ka din namang maghintay. Hindi mo maintindihan kahit sarili mo. Andami mo pang dapat gawin pero hindi ka din makapagfocus. Bakit kasi ganyan ang puso noh? Gusto mo. Ayaw mo. Gusto mo. Ayaw mo.
Gulo.
May mga desires kasi ang PUSO e. Desire na mahalin at mapansin. Hindi ito dapat natutuyo. Wellspring of life daw, ika nga ng Proverbs. Kapag wala tayong natatanggap na pagmamahal mula sa kung saan man, nahihirapan tayong mabuhay. Madalas nagiging insecure tayo pag walang pag-ibig. Naiinggit sa iba. Kaya kapag may nagoffer sayong tubig, sige na lang. Kahit alam mong hindi malinis, iinumin mo. Kahit na alam mong hindi ka niya forever na susupplyan ng tubig, aasa ka pa din. Uhaw ka kasi e.
May naalala ako.
Minsan isang tanghali, dumaan si Jesus sa Samaria. Haggard na Siya sa walkathon niya kaya nagstop over muna sa isang balon. May isang Samaritana na nag-iigib. Siguro sa pagod ni Jesus ay naglakas ng loob na siyang maki-inom kahit alam Niyang Clash of Clans ang mga lahi nila. Choosy pa ba Siya? Init kaya non. Kaya nagulat si Ate na kinausap siya.
Sabi tuloy ni Jesus, "Kung alam mo lang kung sinong kausap mo, baka ikaw pa humingi. Ang kaya kong tubig na ibigay-kung sino man ang iinom ay hindi na mauuhaw." Naamaze si Ate at humingi. Para nga naman hindi na siya pabalik balik sa balon. Sabi ni Jesus, "Sige, tawagin mo asawa mo". Nasa In denial stage pa ang lola mo. Ansabe hindi niya daw asawa yung present niya by thay time. Tapos chinikka ni Jesus sa kaniya ang lovelife niya.. na madami na siyang kinasama. Isyu to si Jesus eh noh.
Kung iisipin mo nga naman, alam ni Jesus ang lovelife niya. Alam na alam ni Jesus yung laman ng puso niya. Alam. ni Jesus yung mga isyu niya sa buhay. Na kaya siguro siya kinatagpo ni Jesus ng araw na iyon ay dahil tuyot ang wellspring ng buhay niya. Ilang beses na niyang triny magmahal, pero wala. Hindi nagpupush. Baka natakot din siya na mali yung napili niya. Kaya sinadya siya ni Jesus at inofferan siya ng Tubig. Uhaw na uhaw. Insecure. Kaya kung sino sino nilalapitan.
Madalas ganiyan din tayo. Kahit sino ka pa, maghahanap at maghahanap ka ng tubig para hindi manuyot ang puso mo. Kailangan e. Lalo naman kung sa paligid mo ay ubber init at mayroong mga umiinom ng ice-cold water. Kainggit.
Kaya binasag ni Jesus ang katahimikan ng langit at lupa ay dahil gusto Niya, Siya ang mag-fill up sa atin. Siya lang naman ang lumikha sa atin, nakakaalam ng innermost needs natin at kung paano tayo isu-sustain. Alam niya na kailangan natin ng tubig. Nandiyan siya para sayo lalu na kapag mga luha mo na lang ang tubig na naainom mo. Kaya lang, hanap tayo ng hanap pa sa iba na as if kaya ng iba na fill up-an tayo on their own. E paano kung uhaw din sila at naghahanap din ng tubig?
Kahit hindi natin aminin, kailangan natin ng pagmamahal. Kailangang ng tubig ang wellsprings ng mga buhay natin. Kahit mga anak, kailangan ng magulang. Kahit si Adan, hindi magandang nag-iisa. Bakit? Di ko alam. Ganiyan tayo dinesign e...
Kung si Jesus ang manufacturer at purchaser natin, Siya din ang nakakaalam ng value natin. Kung hindi tayo sanggang dikit sa Lumikha, hindi Niya maibubulong sa atin kung paano Niya pinahahalagahan yung masterpiece niya. Kung yung inaasahan mong magsusupply ng tubig sa iyo ay hindi dikit sa Gumawa sa iyo, maappreciate niya ba yung value mo?
Ang inooffer ni Jesus na tubig ay living. Continuous at running. Kahit na nadumihan ka pa ng ilang beses, kaya ka nitong linisin. At kapag natikman mo 'to, hindi ka na maghahanap ng tubig sa iba o di kaya'y makikipaglaro ng sweet-sweetan-ang-unang-mafall-talo, dahil alam mo ang worth ng pagpunta dito ni Jesus para lamang malinis din sila.
Ang tubig na inoofer ni Jesus ay overflowing at hindi natatapos. Na kapag always filled up ang puso mo ng pagmamahal Niya, kaya mo din itong gawin sa iba. Kahit ano mang worries ng mga singles- walang dumating, hindi alam ang pipiliin, paghintayin ka ng a thousand years ay secured ka pa din.
Minsan, kailangan mo lang talagang lumapit kay Jesus. "Lord, Uhaw na ko. Alam mo yung mga pinagdaanan ko. Painom naman. "
Bakit nga ba? Siguro dahil natuto ka na, mas alam mo na kung anong gusto mo or may idea ka kung anong paghahandaan mo.
Pero ewan ko. Bakit nga ba kapag maattract ka at tumitibok ang puso mo, tila kinakain ng buong hyphotalamus (part ng brain na naguudyok sayo na mainlab) ang buong utak mo at hindi ka din makapag-isip ng matino. Minsan, iwiwish mo na lang talaga na sana handa na kayo.. na pwede mo na lang isurrender yung puso mo sa kaniya nang walang pangamba. “Lord, kung hindi mo po siya ibibigay sa akin, pwedeng ako bang ako na lang ang ibigay mo sa kaniya?"
Nakakapagod. Pero naiinip ka din namang maghintay. Hindi mo maintindihan kahit sarili mo. Andami mo pang dapat gawin pero hindi ka din makapagfocus. Bakit kasi ganyan ang puso noh? Gusto mo. Ayaw mo. Gusto mo. Ayaw mo.
Gulo.
May mga desires kasi ang PUSO e. Desire na mahalin at mapansin. Hindi ito dapat natutuyo. Wellspring of life daw, ika nga ng Proverbs. Kapag wala tayong natatanggap na pagmamahal mula sa kung saan man, nahihirapan tayong mabuhay. Madalas nagiging insecure tayo pag walang pag-ibig. Naiinggit sa iba. Kaya kapag may nagoffer sayong tubig, sige na lang. Kahit alam mong hindi malinis, iinumin mo. Kahit na alam mong hindi ka niya forever na susupplyan ng tubig, aasa ka pa din. Uhaw ka kasi e.
May naalala ako.
Minsan isang tanghali, dumaan si Jesus sa Samaria. Haggard na Siya sa walkathon niya kaya nagstop over muna sa isang balon. May isang Samaritana na nag-iigib. Siguro sa pagod ni Jesus ay naglakas ng loob na siyang maki-inom kahit alam Niyang Clash of Clans ang mga lahi nila. Choosy pa ba Siya? Init kaya non. Kaya nagulat si Ate na kinausap siya.
Sabi tuloy ni Jesus, "Kung alam mo lang kung sinong kausap mo, baka ikaw pa humingi. Ang kaya kong tubig na ibigay-kung sino man ang iinom ay hindi na mauuhaw." Naamaze si Ate at humingi. Para nga naman hindi na siya pabalik balik sa balon. Sabi ni Jesus, "Sige, tawagin mo asawa mo". Nasa In denial stage pa ang lola mo. Ansabe hindi niya daw asawa yung present niya by thay time. Tapos chinikka ni Jesus sa kaniya ang lovelife niya.. na madami na siyang kinasama. Isyu to si Jesus eh noh.
Kung iisipin mo nga naman, alam ni Jesus ang lovelife niya. Alam na alam ni Jesus yung laman ng puso niya. Alam. ni Jesus yung mga isyu niya sa buhay. Na kaya siguro siya kinatagpo ni Jesus ng araw na iyon ay dahil tuyot ang wellspring ng buhay niya. Ilang beses na niyang triny magmahal, pero wala. Hindi nagpupush. Baka natakot din siya na mali yung napili niya. Kaya sinadya siya ni Jesus at inofferan siya ng Tubig. Uhaw na uhaw. Insecure. Kaya kung sino sino nilalapitan.
Madalas ganiyan din tayo. Kahit sino ka pa, maghahanap at maghahanap ka ng tubig para hindi manuyot ang puso mo. Kailangan e. Lalo naman kung sa paligid mo ay ubber init at mayroong mga umiinom ng ice-cold water. Kainggit.
Kaya binasag ni Jesus ang katahimikan ng langit at lupa ay dahil gusto Niya, Siya ang mag-fill up sa atin. Siya lang naman ang lumikha sa atin, nakakaalam ng innermost needs natin at kung paano tayo isu-sustain. Alam niya na kailangan natin ng tubig. Nandiyan siya para sayo lalu na kapag mga luha mo na lang ang tubig na naainom mo. Kaya lang, hanap tayo ng hanap pa sa iba na as if kaya ng iba na fill up-an tayo on their own. E paano kung uhaw din sila at naghahanap din ng tubig?
Kahit hindi natin aminin, kailangan natin ng pagmamahal. Kailangang ng tubig ang wellsprings ng mga buhay natin. Kahit mga anak, kailangan ng magulang. Kahit si Adan, hindi magandang nag-iisa. Bakit? Di ko alam. Ganiyan tayo dinesign e...
Kung si Jesus ang manufacturer at purchaser natin, Siya din ang nakakaalam ng value natin. Kung hindi tayo sanggang dikit sa Lumikha, hindi Niya maibubulong sa atin kung paano Niya pinahahalagahan yung masterpiece niya. Kung yung inaasahan mong magsusupply ng tubig sa iyo ay hindi dikit sa Gumawa sa iyo, maappreciate niya ba yung value mo?
Ang inooffer ni Jesus na tubig ay living. Continuous at running. Kahit na nadumihan ka pa ng ilang beses, kaya ka nitong linisin. At kapag natikman mo 'to, hindi ka na maghahanap ng tubig sa iba o di kaya'y makikipaglaro ng sweet-sweetan-ang-unang-mafall-talo, dahil alam mo ang worth ng pagpunta dito ni Jesus para lamang malinis din sila.
Ang tubig na inoofer ni Jesus ay overflowing at hindi natatapos. Na kapag always filled up ang puso mo ng pagmamahal Niya, kaya mo din itong gawin sa iba. Kahit ano mang worries ng mga singles- walang dumating, hindi alam ang pipiliin, paghintayin ka ng a thousand years ay secured ka pa din.
Minsan, kailangan mo lang talagang lumapit kay Jesus. "Lord, Uhaw na ko. Alam mo yung mga pinagdaanan ko. Painom naman. "
