Sunday, June 30, 2013
"Nakakaramdam ako ng something sa kaniya. Iba kasi treatment niya sakin. Possible bang may gusto na siya sakin?"
Madalas kong makita itong tanong na 'to mula sa lahi ni Eba. Marami sa atin ang nagkamali sa mga assumptions. Ang hirap magkamali dito dahil nakakahiya. "Feelingera" daw ang peg mo kapag nag-assume ka. Mas nagbebase kasi tayo sa nararamdaman natin. Pinag-iisipan natin yung mga kilos at sinasabi nila based sa feelings at hinala. Badtrip ka sa mga mokong na nagpa-asa o nag-lead on sa iyo. Masaklap din kung nahulog ka sa mga pachuwariwariwap nila. O kaya, crush mo siya tapos akala mo gusto ka niya. Either sinasadya nilang ipain ka or talagang naturally sweet lang sila. Uso pa naman ngayon ang pa-sweet lang. Ang unang ma-fall, talo. Hindi ka pwedeng mag-assume dahil epic magkamali. So anong pwede mong gawin o isipin?
#1 "Ang kapatid ay kapatid. Walang talo talo" Mindset
Natural sa mga lalaki ang maghanap ng "ate" or "sister" na masasabihan ng nasa loob nila na hindi nila usual na nasasabi sa mga ka-baro nila. Madalas akong hinihingiian ng time nitong mga "kapatid ko sa labas" para lang makipagkwentuhan. Huwag mag-assume na ikaw na ang gusto niyang "wife-to-be" dahil lang feeling mo, suitable helper ka na agad agad. I-honor mo lang iyon at wag sasayangin ang kanilang tiwala. Hindi nila ito usually ginagawa sa iba dahil hindi naman natural talkers ang mga guys. Pero hindi dahil ikaw ang napili nilang sukahan este kwentuhan ay mag-iisip ka na ng kung anong malisya.
Pinapahalagahan talaga nila't inohonor ang mga mga sisters/ate nila kaya't nagpapaka gentleman sila. Hayaan mo silang praktisin nila ito sa iyo gayun din ang ibang character na kailangan nilang madevelop. Sumakay ka na lang kung gusto ka nilang ilibre. Matuwa ka na lang kung may unique na tawag sa iyo. Pero hanggang do'n na lang yon. Do not over analyze things.
#2 "Bored lang siya" Thinking
Minsan tatabihan ka na lang bigla at makikipagkulitan, aasarin, manggugulat, bigla kang kikilitiin sa tagiliran, hihiritan ka ng pinakamalupit nilang natutunang pick-up line, icha-chat ka o di kaya'y magtetext. Iisipin mo, "Bakit ba siya nagbibigay ng time? Gusto ba niya kong makilala?"
Huwag mag-assume, bored lang talaga sila. Walang magawa. Wag bigyan ng laman ang mga actions nila. Hindi naman lahat ng bagay na ginagawa ng tao ay may purpose. Minsan out of nowhere lang. Parang pag-jojoke lang. Minsan walang purpose. Nagjojoke dahil bored lang talaga. So do not take them seriously.
#3 "I can go the Distance"
Hindi mo forever kayang ihandle ang mga espiritu ng ka-sweet-an at ka-boringan ng mga lalaki lalu na kung trip mo na din siya o di kaya ay sinasadiya na ipain ka para ma-fall ka na. Minsan makakalimutan mo na lang ang lahat ng natutunan mo o di kaya'y isang hakbang na lang ay mahuhulog ka nasa bangin. Distansiya distansiya din pag may time. Lumayo sa tukso. Wag patukso. Um-arms-sideward-raise din para magka-space. Masmadali kang makakain ng predator mo kapag malapit ka masyado.
Nasa isip talaga ang unang battlefield mo. Kaya sabi ni Paul sa Philippians 4:8-9, "Finally, brothers and sisters, whatever is true, whatever is noble, whatever is right, whatever is pure, whatever is lovely, whatever is admirable—if anything is excellent or praiseworthy—think about such things." Panatilihin ang purity ng kaisipan. Huwag mag-isip ng malisya. Piliin ang katotohanan at kapuri-puri. Maghanap ng mga mas mature na masasabihan para maitama kung anu man ang iniisip mo. Kapag mga ka-level mo lang ang pinagkwekwentuhan mo, baka tuksuhin kanlang din nila lalo. "Ayii! Haba ng hair mo teh!" lang ang masasabi nila sa iyo.
Sa mga guys na nagbabasa nito, huwag naman pa-fall at pa-lead-on. Emotional-logical ang mga babae. Iniisip at pinagcoconnect connect ang mga actions at mga palipad hangin niyo. Be a real gentleman hindi lamang sa pagsakay sa jeep o pagbubukas ng pinto. Igalang din ang kanilang emotional and mental purity. Be their protectors and trusted brothers.
